Zer eskaintzen dugu
Betirako lagun egiteko hainbat aukera eskaintzen ditu, pertsona bakoitza ahalik eta erosoen eta prozesuarekiko errespetuz sartu dadin zerbitzuan.
Horregatik, arreta psikologikoa telefonoz, bideodeiz edo aurrez aurre eman ahal izango da, eta pertsonen eta familien beharretara egokituko da. Zerbitzuak arreta indibiduala, familiarra edo taldekoa eskaintzen du, unearen eta pertsona edo familia bakoitzaren arabera.
Araba, Gipuzkoa eta Bizkaian ematen dugu arreta, astelehenetik ostiralera, 09:00h – 20:00h ordutegian.
Orientazio eta jarraibide psikohezitzaileak
Pertsona maite baten galeragatik dolua egin behar den egoeretan, hurbileko eta familiako pertsonak izan ohi dira laguntzarik onena. Aitzitik, daukagun minak berak, askotan, zaildu egiten digu une zail batzuetan nola jokatu jakitea, egoera bat nola azaldu, edo nola erantzun egiten dizkiguten galderei. Normala da zalantzak sortzea, eta gure seme-alaba txikiekin edo nerabeekin orientatzeko jarraibideak behar ditugu, gure gurasoengatik ditugun kezkak kudeatzeko….
Jarraibide psikohezitzaileek egoera jakin bati nola erantzun jakiten laguntzen digute; horregatik, atal honek egoera askotan gidatuko gaituzten jarraibideak eskainiko ditu.
Material horiek, artikuluen edo bideoen bitartez, norberaren eta besteen emozioak ezagutzen eta errekonozitzen laguntzen digute.
Arreta psikologikoa
Betirako konbentzituta gaude COVID 19ak ezarritako egoeren ondorioz bereziki gogorra dela galerari aurre egitea, eta arreta psikologikoak lagundu egin dezakeela egoera bital hori hobeto jasaten.
Kontsolamendua eskaini nahi diegu oso emozio biziak, urruntasun sentsazioa, deskonexioa bizitzen ari diren pertsonei, blokeoa sentitzen ari direnei. Heriotza zein ingurumaritan gertatu den hitz egiteak aukera ematen du sentitzen dugunari izena jartzeko eta onartzeko, eta hori beharrezko zeregina da zauria sendatzen hasiko bada. Zure ondoan egon nahi dugu, prozesu horretan laguntzeko.
Arreta indibiduala edo familiarra izan daiteke, eta prozesuak garrantzitsuak diren pertsona guztiak sartu ahal izango dira. Gainera, Betirakotik taldeak elkartzeko guneak ere eskaintzen ditugu.
Badakigu egoera berdinean dauden pertsonekin esperientzia partekatzeak, berez, sendatzeko ahalmen handia duela. Taldeak elkartasuna, babesa eta laguntasuna sortzen ditu, eta doluaren prozesua ulertzen laguntzen du, eta pertsona bakoitza bizitzen ari dena adierazten.
Arretarako aukerak baloratuko dira eskaintzen ditugun zerbitzuetan, aurrez aurrekoa edo telematikoa, alternatiba errazagoak eta errespetuzkoak bilatuz pertsonen eta familien zein taldeen beharrei dagokienez.
Despedidan laguntzea eta erraztea
Hildakoa baldintza egokietan despeditu ezin izana da doluaren prozesua zailtzen duten faktoreetako bat. Heriotzagatik egiten diren despedidako erritualek, alde batetik, plano intimo bat edukitzen dute, joan denaren oroitzapena modu iraunkorrean integratzen laguntzen dutenak; eta, bestetik, plano sozial bat, maitea galtzeagatik dagoen mina ezagutzen eta maite zutenen artean konpartitu ahal izateko, jendaurrean ohoratzeko eta haren existentziari zentzua emateko, haren sare sozialeko kideen artean utzitako lorratza agerian utzita.
Betirakok, “Agurrak, beti arte” ekimenarekin, aukera ematen du hildako pertsonari omenaldi birtual bat egiteko. Online gune bat, agurtu nahi den pertsonaren berezitasuna islatzeko, senide eta lagunen sare osoari (baita urrun bizi badira edo despedidaren unean bertan egoteko arazoak badituzte) aukera ematen diena interakzioan aritzeko eta babes eta laguntasun sare bat osatzeko.