Dolu-egoeretarako arreta psikologikorako zerbitzua

BETIRAKO dolu-prozesuei arreta psikologikoa emateko zerbitzua da, eta hainbat arreta-mota eskaintzen ditu (banakakoa, familiarra edo takdekoa).

Dolua prozesu natural eta bakarra da, maite dugun pertsona baten galeraren ostean psikologikoki egokitzeko, baina batzuetan, heriotza gertatzen den egoeraren ondorioz, dolua prozesatzeko zailtasun handiagoak izan ditzekegu; sufrimendua kronikoa bihurtuz “dolu konplexu” deitu izan den horretan.

Laguntza profesionala eskatzeak bidea erraz dezake eta horrela etorkizunean izan daitezkeen ondorio psikologikoak prebenitu.

Horretaz aparte BETIRAKO, programa espezifiko bat du egoera traumatikoetan izandako heriotzekin lotutako egoerei eta prozesuei erantzuteko. Programa hau Agintzari Elkarteak bultzatu du, Eusko Jaurlaritzaren lankidetzarekin. Bizkaian, BBKren Gizarte Ekintzaren laguntza du.

Zirkunstantzia traumatikoetan gertatutako heriotzak eragin bereziki mingarria dakartenak dira. Horrelako egoerak (ustekabeko eta bat-bateko galerak, suizidioak, heriotza ugari, hildako pertsonen adina, etab.), dolu-prozesuan zailtasun gehiago sortzen dituzte.

Bestalde, heriotza traumatikoek eragin psikologiko postraumatiko kolektiboa eragin dezakete inguruko pertsonengan, bereziki haurtzaroan eta nerabezaroan.

Psikologo eta psikologo terapeutez osatutako taldea gara, prestakuntza sendoa dugu eta pertsonei laguntzen esperientzia profesional zabala dugu (haurrak, nerabeak, familiak, adinekoak…), bizipen traumatikoen arretan eta doluan laguntzen. Gizakiak egokitzeko eta bizirauteko gaitasun harrigarrian sinesten dugu. Oso erresilienteak gara.

Badakigu oso garrantzitsua dela zauri emozionalak artatzea persona bakoitzari bere beharren arabera lagunduz.

Betrirako talde profesional taldeak une zail hauetan lagun zaitzake.